Арыздарды жана сунуштарды кароо боюнча комиссиянын ишмердүүлүгү жана планы
Кара-Балта мамлекеттик медициналык колледжинде билим берүү процессинин ачык-айкындуулугун камсыз кылуу, академиялык тазалыкты сактоо, студенттердин, ата-энелердин жана кызматкерлердин укуктарын коргоо, ошондой эле келип түшкөн кайрылууларды өз убагында объективдүү кароо максатында Арыздарды жана сунуштарды кароо боюнча атайын комиссия туруктуу негизде иш алып барат.
Комиссия өз ишмердүүлүгүндө Кыргыз Республикасынын «Жарандардын кайрылууларын кароо тартиби жөнүндө» Мыйзамын, Кыргыз Республикасынын Билим берүү жана илим министрлигинин ченемдик укуктук актыларын жана колледждин ички уставын, этикалык кодексин жана тийиштүү жоболорун жетекчиликке алат.
Комиссиянын негизги максаттары жана милдеттери:
-
Кайрылууларды кабыл алуу жана каттоо: Студенттерден, окутуучулардан, ата-энелерден жана сырткы кызыкдар тараптардан түшкөн расмий арыздарды, даттанууларды жана сунуштарды өз убагында кабыл алуу, каттоо жана карап чыгуу.
-
Кайтарым байланыш каналдарын көзөмөлдөө: Колледждеги «Ишеним телефондору», расмий веб-сайттагы электрондук даректер жана атайын орнотулган «Сунуш-пикирлер жана даттануулар кутучасы» (ящик предложений) аркылуу келген маалыматтарды туруктуу талдоо.
-
Талаш-тартыштарды обьективдүү чечүү: Билим берүүнүн сапаты, баалоонун ачык-айкындуулугу, коррупциялык тобокелдиктердин алдын алуу жана этикалык ченемдердин сакталышы боюнча келип чыккан талаш маселелерди коллегиалдуу түрдө, калыс жана бейтарап изилдөө.
-
Конфликттердин алдын алуу: Окуу жайдагы социалдык-психологиялык чөйрөнү жакшыртуу, студенттердин укуктук сабаттуулугун арттыруу жана конфликттик кырдаалдарды болтурбоо боюнча сунуштарды жана сунуштамаларды иштеп чыгуу.
Ар бир каралган кайрылуунун жана өткөрүлгөн отурумдун жыйынтыгы боюнча расмий чечимдер кабыл алынып, токтомдор чыгарылат жана протоколдор менен тастыкталат. Комиссия келип түшкөн арыздардын купуялуулугун жана корголушун толук кепилдейт.
2025-2026-окуу жылына карата расмий документтер:
Комиссиянын бекитилген курамы, жарандарды кабыл алуу графиги жана үстүбүздөгү окуу жылына карата бекитилген иш планы менен төмөнкү шилтемелер аркылуу тааныша аласыздар:
-
📂 План работы комиссии по рассмотрению жалоб и предложений Арыздарды жана сунуштарды кароо комиссиясынын 2025-2026-окуу жылына карата ИШ ПЛАНЫ
-
📂 Положение о ящике жалоб и предложений для письменных обращений студентов Кара-Балта мамлекеттик медициналык колледжинде жарандардын кайрылууларын, арыздарын жана даттанууларын кароо тартиби жөнүндө ЖОБО
Комиссиянын иш пландарынын жана отурумдарынын протоколдорунун түп нускалары колледждин директору тарабынан бекитилип, архивде жана тийиштүү папкаларда сакталат.