Урматтуу окутуучулар, студенттер жана сайттын коноктору!
Кара-Балта медициналык колледжинде билим берүү ишмердүүлүгү заманбап компетенттүүлүк мамилеге негизделген. Колледждин Педагогикалык кеңеши тарабынан жактырылган Окутуунун процесстик модели — бул Кыргыз Республикасынын Билим берүү жана илим министрлигинин жана Саламаттыкты сактоо министрлигинин талаптарына ылайык, кесипкөй жана компетенттүү медициналык адистерди (фельдшер, медайым, акушерлерди) даярдоону камсыз кылган өз ара байланышкан процесстердин тутуму болуп саналат.
Бул модель билим берүү процессин жөнөкөй теориялык окутуудан сырткары, студенттердин клиникалык ой-жүгүртүүсүн калыптандырууга, кесиптик жоопкерчиликти өнүктүрүүгө жана практикалык көндүмдөрдү толук өздөштүрүүгө багытталган түзүмдүк тутум катары аныктайт.